“Урганч – Қўнғирот – Урганч йўналиши бўйича янги поезд қатнови йўлга қўйилди”, – деб хабар берди Жўқорғи Кенгес матбуот хизмати.

Хабарга кўра, ушбу қатнов йўловчиларга қулайлик яратиш мақсадида Қорақалпоғистон бўйича амалга оширилган мега лойиҳалардан бири бўлган Амударё устидан ўтувчи янги кўприкда 20 январдан бошлаб йўлга қўйилди.

Поезд қатнови ҳар куни Урганчдан соат 6:00 да, Қўнғиротдан соат 13:24 да ҳаракатланади.

Маълумот учун, 2024 йил 29 февраль куни Қорақалпоғистон Республикаси Амударё туманида узунлиги 423 метр бўлган кўприкнинг очилиш маросими бўлиб ўтган эди. Унда президент Шавкат Мирзиёев ҳам иштирок этган.

• Поезд
• Қорақалпоғистон
• Urganch