Кеча, 26 апрель куни Тошкент-Истанбул йўналиши бўйича HY273 авиақатновини амалга ошираётган самолёт бортида чақалоқ дунёга келди. Бу ҳақида Uzbekistan Airways матбуот хизмати маълум қилди.

1996 йилда туғилган ҳомиладор йўловчи Ситора А. Истанбулга яқинлашиб қолган вақтда борт кузатувчиларига оғриқ бошланганини айтган. Вазиятни баҳолаган бригадир йўловчиларга мурожаат қилиб, улар орасида шифокорлар бор-йўқлигини ва ёрдам беришларини сўраган. Орадан бироз вақт ўтиб, йўловчи ҳомиладорликнинг 28-ҳафтасида ўғил фарзандни дунёга келтирган.

Самолёт манзилга қўнганидан сўнг, Истанбул халқаро аэропортининг тиббиёт ходимлари бортга чиқиб, она ва болага керакли ёрдамни кўрсатишган. Айни вақтда уларнинг ҳолати барқарор дея баҳоланмоқда.

• Uzbekistan airways
• туғилиш
• хабар