29 июндан 3 июлга қадар Тошкентдаги “Юнусобод” спорт мажмуасида “Uzbekistan Open-2” турнири бўлиб ўтди.

Мусобақанинг сўнгги куни, яъни 3 июл кунги баҳсларда, турнирнинг 2-гала финал учрашувлари бўлиб ўтди. Унда иштирок этган ўзбекистонлик спортчилар мухлислар эътирофига сазовор бўлди.

Кик-боксингнинг Low-kick йўналишида Назарбек Маҳмудов финалда ҳиндистонлик Дас Ишан устидан очколардаги устунлик эвазига мағлуб этди ва олтин медални қўга киритди.

Худди шу йўналиш бўйича 57 килограмгача бўлган спортчилар ўртасида финал баҳси Лазизбек Бегматов ва қозоғистонлик Талгат Букбусаров ўртасида кечди. Ушбу тўқнашувда очколар ҳисобига кўра Лазизбекнинг қўли баланд келди ва у ҳам олтин медалга сазовор бўлди.

Кик-боксингнинг К-1 йўналиши 75 кгда Жавоҳир Латипов туркманистонлик рақиби Гочмурат Жуманиязовга имкониятни бой бериб қўйди ва кумуш медал билан чекланди.

Low-kick йўналиши 67 кгда Ислом Турсунқулов қозоғизтонлик Эрлан Байзаков билан рингда тўқнаш келди. Ушбу баҳсда Исломбек ғалаба қозонди ва олтин медалга эга чиқди.

Ушбу турнир ғолибларига 300 евро миқдорида мукофот пуллари топширилди.

• Кик-боксинг
• Ўзбекистон