Тафтиш комиссияси Ўзбекистон мусулмонлари идорасининг 2021-2024 йиллардаги молиявий фаолиятини батафсил текшириб, мазкур жараёнлар амалдаги қонунчиликка мувофиқ экани тўғрисида Ўзбекистон мусулмонлари идораси Олий Ҳайъатига ҳисобот берган. Таъкидланишича, ҳозирда “Вақф” хайрия жамоат фонди раҳбарига нисбатан жиноят иши қўзғатилган.

Қайд этилишича, ушбу жиноят иши фонд раҳбарига нисбатан унинг мазкур вазифага киришишдан олдинги фаолияти билан боғлиқ экан. Олиб борилган тергов жараёнларида ҳам Фонд маблағларини ноўрин сарфлаш ва ўзлаштириш ҳолатлари ўз тасдиғини топмаган.

Фонд ўз фаолиятини қонунчилик ҳужжатлари ва Васийлик кенгаши қарорлари асосида олиб боради. Мазкур Кенгаш фонд фаолиятининг динимиз талаблари ва қонунчилик ҳужжатларига мувофиқлигини мунтазам назорат қилиб боради.

• O‘zbekiston musulmonlari idorasi
• Vaqf