Володимир Зеленский 2022 йилнинг энг яхши одами деб топилди.

Бошқа финалчилар орасида Эрондаги намойишчилар, Хитой раҳбари Ци Цзинпин ва АҚШ Олий суди ҳам бор эди.

Журналда Зеленский украиналикларни илҳомлантиргани ва Россия босқинига қаршилик кўрсатган жасорати учун халқаро миқёсда тан олингани айтилган.
Маълумотларга кўра, мукофот сўнгги 12 ой ичида глобал воқеаларга энг кўп таъсир кўрсатган воқеа ёки шахсга берилади.

Келтирилишича, “Украина руҳи” ҳам мукофотга лойиқ корилган, “Украина руҳи” деганда бутун дунё бўйлаб украиналиклар, жумладан, “саҳна ортида курашган” кўпчилик ҳам назарда тутилган.
Бунга украиналикларни минглаб текин овқат билан таъминлаган ошпаз Иевген Клопотенко ва қўлга олинган шифокор Юлия Паевска каби одамлар киради.

Урушда жабрланганларга ёрдам бериш учун Украинага борган британиялик травматолог Девид Нотт журналнинг муқовасида суратга тушган яна бир қанча кишилардан биридир.

Бундан ташқари Эрон аёллари нашрнинг 2022 йил қаҳрамонлари бўлди ва Блаcкпинк К-поп гуруҳи журналнинг йилнинг энг яхши кўнгилочар гуруҳи деб тан олинди.

Шунингдек, америкалик бейсболчи Аарон Жудж “Йилнинг энг яхши спортчиси”, малайзиялик актриса Мишел Еох эса “Йил иконаси” деб топилди.

• Украина
• Зеленский