13-17 январь кунлари Қозоғистоннинг Остона шаҳрида математика, физика ва информатика фанларидан бўлиб ўтган Жаутиков Олимпиадасида ҳамюртларимиз 19 медални қўлга киритган.

Дунёнинг 20 мамлакатидан 700 га яқин ўқувчи иштирок этган ушбу олимпиадада Ўзбекистон терма жамоаси катта муваффақиятга эришган.

Қайд этилишича, ўзбек ёшлари 2 та олтин, 5 та кумуш, 12 та бронза – жами 19 медални қўлга киритган.

Хусусан, математика фанидан “Артель Technical School” нодавлат таълим муассасасининг 11-синф ўқувчиси Асадбек Бобоқулов ҳамда Муҳаммад ал-Хоразмий номидаги ихтисослаштирилган мактабнинг 10-синф ўқувчиси Элбек Зоҳиджонов олтин медалга сазовор бўлган.

Ўтган йили эса шу олимпиадада 14 та медаль ўзбекистонликлар ҳисобига қайд этилган эди.

• Олимпиада
• Халқаро