Маълумки, жорий йилнинг сентябр ойида Хитойнинг Ханчжоу шаҳрида ХИХ ёзги Осиё ўйинлари ўтказилади.

Мазкур ўйинлар дастуридан кейинги йилларда жаҳон спортининг ажралмас қисми сифатида оммавийлашиб бораётган киберспорт ўрин олган бўлиб, унда юртимиз вакиллари ҳам қатнашиши кутилмоқда. 
Айтиш жоиз, мамлакатимизда киберспорт бўйича Ўзбекистон электрон компютер спорти федерасияси ҳамда киберспорт ассосиацияси мавжуд.

Шундай вазиятда қайси ташкилот вакиллари кутилаётган “кичик олимпиада”да Ватан шарафини ҳимоя қилади? 
Ўтган йилнинг декабрида Осиё олимпия кенгаши  “Ханчжоу-2022” ўйинларида электрон спорт турлари бўйича қатнашадиган Ўзбекистон киберспорт жамоасини шакллантиришда Миллий олимпия қўмитаси масъул эканлигини маълум қилган эди.

2022-йил январида Миллий олимпия қўмитасида ҳар иккала киберспорт ташкилоти раҳбарияти билан учрашув ўтказилиб, “Ханчжоу-2022”да иштирок этишга тайёргарлик кўрадиган миллий терма жамоа таркиби бўйича таклиф киритиш юкланган эди. Бироқ, улар ўртасидаги баҳсли масалалар сабабли бугунга қадар ушбу масала ечим топмади.
Шу боис, Миллий Олимпия қўмитаси Бош котиби Ойбек Қосимов, МОҚ раиси ўринбосари Шерзод Тошматов, ҳар икки ташкилот раҳбарияти, мутахассислар иштирокида электрон спорт турлари бўйича миллий терма жамоани аниқлаш, уларни Осиё ўйинларига тайёрлаш юзасидан йиғилиш ўтказилди. 

Муҳокамалар давомида ҳар икки ташкилотнинг таклифлари тингланди, дейилади МОҚ матбуот хизмати хабарида.
Йиғилишда Миллий олимпия қўмитаси томонидан ҳар икки ташкилот саралашда иштирок этадиган ўз таркибини жорий йил 5 май кунига қадар тақдим қилиши белгиланди.
Шу асосда 10 майга қадар Осиё ўйинлари дастурига киритилган 8 та киберспорт йўналиши бўйича мусобақалар ўтказилади.

Унинг натижаларига қараб, миллий терма жамоа шакллантирилади ҳамда ХИХ Осиё ўйинларида қатнашиш учун рўйхатдан ўтказилади.

• Киберспорт
• МОҚ