Ватикан 4 июнь куни Рим папаси Лев XIV ва Россия президенти Владимир Путин ўртасида телефон орқали суҳбат бўлиб ўтганини маълум қилди. Бу суҳбат ҳақида Кремль ҳам хабар берган эди.

“Телефон суҳбати давомида ўзаро қизиқиш уйғотадиган масалалар билан бир қаторда, Украина ва тинчлик масалаларига алоҳида эътибор қаратилди. Папа Россияни тинчликка ҳисса қўшувчи қадамларни ташлашга чақирди ва томонлар ўртасида конструктив алоқа ҳамда можарони ҳал этиш йўлларини излашда мулоқот муҳимлигини таъкидлади”, — дейилади Ватикан ҳукумати матбуот хизмати хабарида.

Хабар берилишича, суҳбат чоғида, шунингдек, Россия ва Украина ўртасида маҳбуслар алмашинуви ва гуманитар вазият ҳам муҳокама қилинган.

• Путин
• Rim papasi
• Россия
• Украина