“Хитой таҳдиди”ни кучайтириш ХХР ва Европа Иттифоқининг асосий манфаатларига хизмат қилмайди, томонлар конструктив мулоқотни давом эттириши керак, чунки уларда ҳамкорлик учун кенг майдон бор. Ушбу фикрни 14-чақириқ Бутунхитой халқ вакиллари кенгаши биринчи сессияси расмий вакили Ван Чао айтиб ўтди.
Унинг таъкидлашича, сўнгги йилларда баъзи одамлар Хитой ва Европани тизимли душманлар, деб атайди ва “Хитой таҳдиди” тушунчасини ошириб юборади.
“Булар “совуқ уруш” мафкурасидан келиб чиққан нотўғри қарашлар, улар кимнингдир шахсий манфаатларига хизмат қилади ва Хитой ҳамда Европанинг фундаментал ва узоқ муддатли манфаатларига хизмат қилмайди”, – дейди Ван Чао.
Маълумотларга кўра, Хитой ҳар доим Европани кенг қамровли стратегик ҳамкор сифатида кўриб келган, Европа Иттифоқининг стратегик мухторияти, бирлиги ва фаровонлиги ҳамда халқаро ишларда конструктив ролини қўллаб-қувватлаган.
Ван Чао, шунингдек, иқлим ўзгариши, халқаро ва минтақавий муаммолар каби турли глобал муаммоларни ҳал қилишда Европа билан ҳамкорлик қилишга умид билдирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!