Аргентина – Австралия ўртоқлик учрашувига мезбонлик қилган Пекин стадиони бошқарув компанияси машҳур футболчининг мухлисларини ғайриоддий лотереяда иштирок этишга таклиф қилди.

Жорий йилнинг 11-15 август кунлари Чжунгхе Гонгти компанияси барчага “Месси майсаси” танловида иштирок этишига рухсат берди. Унинг натижаларига кўра, омадлилар аргентиналик футболчининг оёқлари теккан 100 дона чим бўлакларига эга бўлади. Улар орасида Лионел Месси фаолиятидаги энг тезкор голни (81-сонияда) урган стадион майсазоридаги чим бўлаги ҳам бор.

Битта сувенирнинг нархи 499 юан (68 доллар). Танловда иштирок этиш учун 4000 киши ариза топширган. Биринчи ўйин ўйналганидан кейин, майсазорнинг қолган қисмлари Хиаоҳонгшу ва Деwу ижтимоий тармоқларида сотилади. Ҳаммаси бўлиб, бошқарув компанияси 2023 та "яшил" сувенир тайёрлади.

15 июнь куни Пекинда Аргентина – Австралия ўртоқлик учрашуви бўлиб ўтди. Лионел Месси жамоаси 2:0 ҳисобида ғалаба қозонди.

• Месси
• Хитой