Бандлик ва меҳнат муносабатлари вазирлиги томонидан 2022 йил январь-март ойларида амалга оширилган ишлар тўғрисида маълумот берилди.
Қайд этилишича, вазирлик ҳисобот даврида 5 972 та корхоналарда назорат тадбирлари ўтказган бўлиб, унда жами 11 315 та қонунбузилиш ҳолатлари аниқланган. Қонунбузилишлар юзасидан тегишли тартибда иш берувчиларга ёзма кўрсатмалар ва тақдимномалар киритилган. 2 483 нафар мансабдор шахсга нисбатан 4 864,6 млн. сўм миқдорида маъмурий жарималар қўлланилган.
Шунингдек, вазирлик меҳнатни муҳофаза қилиш ва техника хавфсизлиги қоидаларига риоя этилмаслиги натижасида бахтсиз ҳодисалар сони ҳамда касб касалликлари сони ортиб бораётгани, жумладан, Республика бўйича жорий йилнинг 3 ойи давомида ишлаб чиқаришда юз берган 132 та бахтсиз ҳодисалардан 26 таси (19 фоизи) ўлим, 97 таси (73 фоизи) оқибати оғир ва 9 таси (6,8 фоизи) гуруҳий бахтсиз ҳодисаларни ташкил этгани ҳақида маълум қилган.
Юз берган бахтсиз ҳодисалар натижасида 42 нафар ходим ҳалок бўлган, 104 нафар ходим оғир тан жароҳати ва 4 нафари енгил тан жароҳати олган.
“Ушбу бахтсиз ҳодисаларни махсус текшириш жараёнида 776 та аниқланган камчиликлар юзасидан бажарилиши мажбурий бўлган 115 та ёзма кўрсатмалар берилди ҳамда қонунбузилиши ҳолатларига йўл қўйганлиги учун 110 нафар мансабдор шахсларга нисбатан 223 млн. сўмлик маъмурий жарималар қўлланилди”, – дейилади маълумотда.
Бундан ташқари:
– 1 259 та иш ҳақини белгиланган муддатларда тўлаб бермаслик;
– 1 027 та таътиллар бериш тартибига риоя этмаслик;
– 657 та аҳолини иш билан таъминлаш тўғрисидаги қонун ҳужжатларини бузиш;
– 654 таси меҳнат шартнома тузмасдан, норасмий равишда ходимлар меҳнатидан фойдаланиш;
– 352 та меҳнат дафтарчаларини юритиш тартибини бузиш;
– 341 та ноқонуний ишдан бўшатиш ҳолатлари ҳамда бошқа турдаги қонун бузилиш ҳолатлари аниқланган.
Қонун бузилишлар соҳалар бўйича таҳлил қилинганда қонун бузилишларнинг энг кўпи халқ таълими тизими (2 734 та – 45 фоиз), мактабгача таълим ташкилотлари (1 437 та – 24 фоиз), қишлоқ хўжалиги (1 051 та – 17 фоизи) ҳамда ССВ тизими (808 та – 13 фоизи)да кузатилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!