Европа Иттифоқи инсон ҳуқуқлари бузилгани учун Эронга нисбатан қўшимча чекловлар жорий қилмоқда.
Бу ҳақда ДПА агентлиги бир неча дипломатларнинг Брюсселда бўлиб ўтган Европа Иттифоқи кенгаши йиғилишидаги баёнотига таяниб хабар бермоқда.
“Европа Иттифоқи давлатлари инсон ҳуқуқларининг жиддий бузилиши туфайли Эронга қарши қўшимча санкциялар жорий қилмоқда”, - дейилади агентлик ижтимоий тармоқ саҳифаларида.
Аввалроқ Германия ташқи ишлар вазири Анналена Бурбок Европа Иттифоқи инсон ҳуқуқлари бузилгани учун Эронга қарши навбатдаги санкциялар тўпламини жорий этиш ниятида эканлигини маълум қилганди.
Бунгача Эронда икки намойишчини оммавий равишда дорга осгани хабар қилинган. Қатл этилганлардан бири Мажидризо Раҳнавард ҳуқуқ-тартибот идораларининг икки ходими ва яна тўрт нафарини пичоқлаб ўлдирган ва яна тўрт кишини жароҳатлаганликда айбланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!