Европа Комиссияси президенти Урсула фон дер Ляен ва Европа кенгаши раҳбари Шарль Мишэль 2023 йилнинг биринчи ярмида Хитойга ташриф буюриши мумкин. Бу ҳақда Хитойнинг Европа Иттифоқидаги элчиси Фу Конгга таяниб, “Global Times” нашри хабар бермоқда.
Унинг сўзларига кўра, Европа Иттифоқининг икки олий мансабдор шахслари ташрифига тайёргарлик кўрилмоқда ва яқин орада Европа Иттифоқи ҳамда Хитой ўртасида “жуда тез-тез юқори даражадаги ўзаро ташрифлар” бошланиши кутилмоқда.
Фу Конг Хитой ва Европа Иттифоқи ўртасидаги муносабатларнинг тикланишига “жуда оптимистик” эканини таъкидлаган. Элчи Пекин ЕИнинг Украина масаласи бўйича айрим позицияларига тўлиқ қўшилмайди, бироқ бу Хитой ва Европа ўртасидаги муносабатлар ривожига таъсир қилишини истамайди.
Хитойлик дипломат Европа Иттифоқи Украина муаммосини ҳал қилишда ҳаддан ташқари эмоционал бўлишдан қочиши кераклигини қайд этган.
Эслатиб ўтамиз, Беларус президенти Александр Лукашенко 28 февраль – 2 март кунлари Хитойга сафар қилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!