Олий суд матбуот хизмати раҳбарининг Platina.uz сайтига маълум қилишича, 2023 йил 7 ноябрь куни жиноят ишлари бўйича Яшнобод тумани судининг ажрими билан қуйидагиларга нисбатан қамоққа олиш эҳтиёт чораси қўлланилган:

Й.Х.Тўрақулов номидаги республика ихтисослаштирилган эндокринология илмий-амалий тиббиёт маркази директорининг даволаш ишлари бўйича ўринбосари Ф.Ҳ.;

Ушбу марказ лаборатория мудири, катта илмий ходим, Соғлиқни сақлаш вазирлиги болалар бош эндокринологи Н.А.;

16 ноябрь куни Соғлиқни сақлаш вазирлиги дори воситалари, тиббий буюмлар ва жиҳозлар муомаласини тартибга солиш ва мурувват ёрдамини мувофиқлаштириш бошқармаси бошлиғи Ҳ.Ғ.

Шунингдек, ушбу вазият президент томонидан назоратга олинган. Соғлиқни сақлаш вазири ўринбосари эса болалар овқат ёки доридан заҳарланмаганини айтганди.

Ҳозирда антиструмин дорисини ишлаб чиқарган корхона раҳбари халқаро қидирувда экани маълум.

• Dori
• Заҳарланиш