Кеча, 7 сентябрь куни Исроил Бош вазири Бинямин Нетаньяху сўнгги 9 ой ичида биринчи марта Украина Президенти Володимир Зеленский билан суҳбатлашди. Суҳбат телефон орқали бўлиб ўтди.

Улар охирги марта 2022 йилнинг 31 декабрида, Бош вазир яна ўз лавозимига киришганидан кўп ўтмай сўзлашган.

"Мен Украина президенти Володимир Зеленский билан гаплашдим. Биз Исроилнинг Украинага, жумладан, мамлакатимизда бўлган украиналик қочқинларга фуқаро муҳофазаси тизимлари соҳасида кўпроқ ёрдам кўрсатишини муҳокама қилдик. Бундан ташқари, биз ёрдамни давом эттириш ҳақида гаплашдик..”, – дея суҳбатни изоҳлади Исроил ҳукумати раҳбари.

Шунингдек, Нетаньяху ижтимоий тармоқларда, “Мен диний эркинликни таъминлаш асносида бу йил Уманга зиёратчилар келиши учун барча имкониятларни ишга солиш зарурлигини кўтардим”, деб ёзди.

Бош вазир Нетаньяху матбуот хизмати хабарига кўра, томонлар Исроил ҳаво-десантларини эрта огоҳлантириш тизимларини ривожлантириш ва тарғиб қилишда ёрдам бериш масаласини ҳам муҳокама қилган.

• Isroil
• Украина
• Зеленский