Маълумотларга кўра, Запорожега ҳужумларда кўплаб дронлар ва бошқариладиган авиабомбалар қўлланилган. Уйлар, энергетика ва инфратузилма объектларига зарбалар берилган. Ҳозирда ҳудудда электр энергияси ва ичимлик суви таъминотида узилишлар кузатилмоқда.

Запорожега ҳужумлар оқибатида бир киши ҳалок бўлган, олти киши жароҳатланган. Саноат корхонаси ҳудудида ёнғин юзага келган, автомобиллар ва турар жой бинолари зарар кўрган.

Шунингдек, Лвов ва Ивано-Франковск вилоятларига ҳам ҳужумлар уюштирилган. Россия дрон ва ракеталари Лвов шаҳрига зарбалар берган. Бурчин ва Стрий туманлари аҳолиси портлашлар овозини эшитган.

Киев ва Одесса вилоятларида ҳам ҳаво ҳужумидан мудофаа тизимлари ишга тушган. Украинанинг ғарбий ҳудудларига Россия томонидан уюштирилган тунги зарбалар фонида Полша ўз қирувчи самолётларини ҳавога кўтарган.

• Havo hujumi
• Raketa
• Россия
• Украина
• Уруш
• дрон