“Киевга берилган тунги зарбалар оқибатида 3 киши ҳалок бўлди, 29 киши жумладан 7 нафар бола жароҳатланди”, — деб хабар бермоқда Украина Фавқулодда вазиятлар хизмати.

Маълумотларга кўра, Деснянский туманидаги 9 қаватли турар жой биносига Россия учувчисиз учиш аппарати қулаши оқибатида ёнғин чиқиб, бинонинг юқори қаватларидан 13 киши эвакуация қилинган.

Бошқа бир ҳудудда эса дрон 16 қаватли бинога урилиб, биринчи қаватдан тўққизинчи қаватгача бўлган деразаларни синдирган.

Бундан ташқари, Киевнинг Оболон туманидаги кўп қаватли уйга ҳам учувчисиз учар қурилма тушгани, бироқ у ерда ёнғин юз бермагани маълум қилинди.

• Havo hujumi
• Kiyev
• Россия
• Украина