Пенсия жамғармаси Ўзбекистонда нафақа миқдорини ошириб беришни ваъда қилиб фирибгарлик қилаётганлар пайдо бўлганидан огоҳлантирди.

Қайд этилишича, шу каби ёлғон ваъдалар билан фуқароларнинг шахсий маълумотларини олиб, улардан пул талаб қилиш ҳолатлари кузатилмоқда.

Жамғарма матбуот хизмати пенсия миқдорини ошириш фақат Пенсия жамғармаси туман (шаҳар) бўлимлари томонидан амалга оширилишини, унда, фуқароларда нафақасини қайта ҳисоблаш учун асослар пайдо бўлганда фақат Пенсия жамғармасининг туман (шаҳар) бўлимларига мурожаат қилишлари мумкинлигини эслатди.

“Пенсия жамғармасининг ҳеч бир ходими фуқароларга кўчада пенсия миқдорини ошириб беришни таклиф қилмайди. Бегона шахсларга паспорт, пластик карта ёки ЖШШИР (ПИНФЛ) рақами каби шахсий маълумотларингизни ҳеч қачон тақдим қилманг”, – дейилади расмий хабарда.

Пенсия жамғармаси шу каби шубҳали ҳолатларга дуч келган фуқаролардан жамғарманинг ишонч телефони (1271) Ички ишлар органларига (102) хабар беришни сўради. Фирибгарларга алданишдан эҳтиёт бўлишга чақирди.

• Фирибгарлик
• Ogohlantirish
• fuqaro
• пенция