Сўнгги ҳафталарда Россияда бензин танқислиги кескинлашди. Мамлакатнинг турли ҳудудларида ёқилғи қуйиш шохобчаларида узун навбатлар кузатилмоқда, баъзиларида эса бензин умуман мавжуд эмас.

Бунинг асосий сабаби – Украина дронларининг нефтни қайта ишлаш заводларига уюштирган ҳужумлари. Реутерсънинг ёзишича, ҳужумлар оқибатида камида еттита завод фаолиятини тўхтатган. Бу ишлаб чиқариш ҳажмининг пасайишига ва ички бозорда тақчилликка олиб келди.

Шунингдек, ҳукумат бензин экспортига вақтинча тақиқ қўйди. Аммо бу чоралар ички таъминот муаммоларини бартараф эта олмади. Кўплаб мустақил АЁҚШлар таъминотсиз қолиб, ёпилмоқда.

АИ-92 маркали бензиннинг нархи рекорд даражага – тоннаси 73 200 рублгача кўтарилди. Қримда эса нархлар музлатилиб, бензин сотиш чекланган, ҳайдовчиларга бир мартада 20 литрдан ортиқ бензин берилмаяпти.

• Бензин
• Россия
• Украина