Bosh prokuratura huzuridagi Departamentning Chilonzor tumani bo‘limi tomonidan o‘tkazilgan tezkor tadbirda “G.T.” MCHJga qarashli dorixona sotuvchisi F.M. xaridorga tegishli kirim hujjatlari bo‘lmagan xorijda ishlab chiqarilgan 50 dona “Omnadren 250” dori vositasini 3 mln so‘mga sotgan vaqtida ashyoviy dalillar bilan ushlangan.

Shuningdek, Departamentning Sergeli tuman bo‘limi va DXX xodimlari hamkorligida o‘tkazilgan tezkor tadbirda qonunga xilof ravishda dori vositalari savdosi bilan shug‘ullanib kelgan Yo.I. va boshqalar fuqaro A.A.ga 14 dona “Zardeks” nomli kuchli ta’sir qiluvchi dori vositasini 1,1 mln so‘mga sotgan vaqtida ashyoviy dalillar bilan ushlangan.

Departamentning Mirishkor tumani bo‘limi tomonidan o‘tkazilgan tezkor tadbirda “O.F.M.” MCHJ dorixonasi mas’ul shaxslari dorixonada xorijda ishlab chiqarilgan 50 dona tarkibida kuchli ta’sir qiluvchi modda mavjud “Gabapentin-S3” nomli dori vositasini tegishli litsenziya olmasdan sotuvga qo‘yganliklari aniqlanib, ashyoviy dalil sifatida olingan.

Mazkur holatlar yuzasidan Jinoyat kodeksining 251-1-moddasi (giyohvandlik vositalari, ularning analoglari yoki psixotrop moddalar hisoblanmaydigan kuchli ta’sir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.

• DXX
• Jinoyat
• Sud
• tergov