“Toshkent shahar Uchtepa tumanida fuqaro sobiq rafiqasiga to‘rt farzandi uchun 2,4 mlrd so‘m miqdorida aliment pulini oldindan to‘ladi”, – deb xabar bermoqda Majburiy ijro byurosi.

Xabarga ko‘ra, erkak voyaga yetmagan 4 nafar farzandlari ta’minoti uchun to ular voyaga yetguniga qadar oldindan aliment miqdorini hisoblab berishni so‘rab ariza bilan murojaat qilgan. Kelgusi 16 yil davomida to‘lashi kerak bo‘lgan aliment pullari hisoblab chiqilgan bo‘lib, u 2 milliard 442 million 482 ming so‘mni tashkil etgan.

Qarzdor ota ushbu miqdordagi aliment pullarini uy ko‘rinishida sobiq rafiqasiga to‘lab bergan va ijro hujjati amalda tamomlangan.

Shunday qilib, O‘zbekistonda undirilgan aliment miqdori bo‘yicha rekord yangilandi. Avvalroq nukuslik fuqaro aliment sifatida 2,2 milliard so‘mni oldindan to‘lab bergan edi.

• Aliment
• MIB
• Toshkent
• Uchtepa
• rekord