Ijtimoiy tarmoqlarda Ohangaron shahrida patrul-post xizmati (PPX) xodimi ikki nafar voyaga yetmagan qizga nisbatan noqonuniy harakatlar sodir etganlikda gumon qilinayotgani haqida xabarlar tarqaldi.

Ma’lumotlarga ko‘ra, voqea 28-aprelga o‘tar kechasi Toshkent viloyati Ohangaron shahrida sodir bo‘lgan. 14 yoshli qizning aytishicha, u dugonalari bilan ko‘chada turgan vaqtda ularning yoniga Spark avtomobili kelib to‘xtagan hamda ular majburan mashinaga o‘tqazilgan.

Qizning so‘zlariga ko‘ra, ularni notanish shaxs uzoq hududga olib borib, avtomobil ichida noo‘rin harakatlar sodir etgan. Keyinchalik uning akasi geolokatsiya orqali joyni aniqlab yetib borgan.

Qizning akasi ham ushbu holatni tasdiqlab, hodisa vaqtida videoyozuv va telefon suhbatlari qayd etilganini, shuningdek, xodim tomonidan tahdid bo‘lganini bildirgan.

ishlar vazirligi Jamoat xavfsizligi departamenti holat yuzasidan xizmat tekshiruvi va tergov boshlanganini ma’lum qildi. Dastlabki ma’lumotlarga ko‘ra, gumonlanuvchi xodim lavozimidan chetlashtirilgan.

Agar ayblovlar tasdiqlansa, unga nisbatan qonunchilikka muvofiq jinoyat ishi qo‘zg‘atiladi.

Tergov natijalari bo‘yicha qo‘shimcha ma’lumot berilishi kutilmoqda.