Yangi Mehnat kodeksining 208-moddasiga binoan, dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi.

Ilgari bunaqa qoida yo‘q edi, masalan, Navro‘z bayrami yakshanba kuniga to‘g‘ri kelib qolsa, unda 2 ta dam olish kuni bittada o‘tib ketardi. Endi bunday bo‘lmaydi va dam olish kuni bayramga to‘g‘ri kelsa, unda ko‘chiriladi.

O‘zbekistondagi birinchi ana shunday amaliyot 1-oktabr — O‘qituvchi va murabbiylar kuniga to‘g‘ri kelmoqda. Yaʼni ushbu bayram yakshanba kuniga to‘g‘ri kelgani uchun, 2-oktabr — dushanba kuni ham dam olish kuni sifatida belgilandi.

Maʼlumot uchun: 2024-yilda 2 ta bayram dam olish kuniga to‘g‘ri keladi, bular: 1-sentabr — Mustaqillik kuni hamda 8-dekabr — Konstitutsiya kuni. Demak, mana shu ikkala bayramda ham 2-sentyabr hamda 9-dekabr dushanba kunlari dam olish kuni bo‘ladi.

• Bayram
• Dam olish kuni
• Kodeks