Samarqand viloyati IIB bolasini kaltaklayotgani ayol aks etgan videolavha yuzasidan rasmiy maʼlumot berdi.

Aniqlanishicha, voqea joriy yil 14-iyun kuni viloyatning Payariq tumanida sodir bo‘lgan. Tumanning “Boshqo‘rg‘on” mahalla fuqarolar yig‘inida yashovchi 1988-yilda tug‘ilgan, ruhan sog‘lom bo‘lgan, shuningdek, ayni paytda turmush o‘rtog‘i bilan bir oilada yashab kelayotgan ayol 2020-yilda tug‘ilgan o‘z farzandini kaltaklagan.

U bunga farzandini davolatish uchun shifoxonaga olib borganda asabiy holati sabab ushbu harakatlarni sodir etganini bildirgan.

Mazkur holat yuzasidan Jinoyat kodeksining 110-moddasi 2-qismi bilan jinoyat ishi qo‘zg‘atildi.

Hozirda tergov harakatlari olib borilmoqda. 

• IIB
• Jinoyat
• Samarqand