“Barsa” “Kamp Nou”ni rekonstruksiya qilishni boshladi

2023/24-yilgi mavsumning uy uchrashuvlari “Olimpiya” stadionida bo‘lib o‘tadi

Kataloniya klubining uy arenasini rekonstruksiya qilish ishlari shu yozda boshlanadi, ammo shunga qaramay, jamoa 2022/23-yilgi mavsumni “Kamp Nou” stadionida o‘tkazadi. 2023/24-yilgi mavsumda klub “Lyuis Kompani Olimpiya” stadioniga ko‘chib o‘tadi.

Bu haqda “ko‘k-anorranglilar”ning prezidenti Joan Laporta maxsus matbuot anjumanida ma’lum qildi.

Majburiy ko‘chish tufayli “Barselona” o‘yinlariga borishi mumkin bo‘lgan muxlislar soni deyarli ikki barobar kamayadi. Agar “Kamp Nou” stadioni 98 ming tomoshabinni sig‘dira olsa, “Olimpiya” stadioni sig‘imi 55 ming tomoshabinni tashkil etadi.

Ushbu arenada o‘yin o‘tkazishdan oldin “Barselona” o‘zining ba’zi binolarini yangilamoqda.

• Barselona
• Futbol