Bloomberg'ning keltiricha, Apple kompaniyasi 2025-yilda to‘liq avtonom, ya’ni boshqarishning hojati bo‘lmagan avtomobil chiqara boshlaydi.

Kompaniya ishlab chiqaradigan "o‘ziyurar"lar qo‘lsiz boshqariladi, ammo rul olib tashlanmaydi – bunda favqulodda holatda haydovchi boshqaruvni o‘z qo‘liga olishi mumkin. 

Apple o‘z elektrokarlari Tesla'nikidan xavfsizroq bo‘lishini ta’kidlamoqda, iCar har qanday sistematik uzulish holatlarida ham ishlash xususiyatini saqlab qoladi. Uning "zaryadka"si universal bo‘lishi aytilmoqda.

Bundan tashqari, kompaniya salonning o‘zgacha interyeri to‘g‘risida bosh qotirmoqda, bunda yo‘lovchilar bir biriga qarama-qarshi joylashadilar, deyilmoqda xabarda. Mashina ichkarisida iPad'ga o‘xshash interaktiv ekran o‘rnatiladi.

Eslatib o‘tamiz, biroz avvalroq Apple'ning patent partfoliosiga asoslanib, Vanarama kompaniyasi dizaynerlarining iCar'ning 3D modelini yaratgani haqida ma’lumot bergandik.

• Apple
• texnologiya