Apple'ning bosh direktori Tim Kuk yaqinda bo‘lib o‘tgan DealBook sammitida qatnashdi, bu sammit New York Times tomonidan doimiy o‘tkazilib kelinmoqda.

Ko‘p savollar qatori Apple Car loyihasi qaysi holatda ekani to‘g‘risidagi savolni bosh direktor e’tiborsiz qoldirgan va hech qanday izoh bermagan. Ammo mutaxassislarning aytishiga ko‘ra kompaniya o‘z transport vositasini yaratish ishlarini boshlab yuborgan. Shu yuzasidan Vanarama lizing kompaniyasi mutaxassislari mashina qanday ko‘rinishda bo‘lishi mumkinligini namoyish etdilar.

Dizaynerlar mashinaning shunchaki suratlarini taqdim etmay, uning 3D-modelini yaratdilar. Tomoshabin bunda nafaqat Apple Car'ning qanday ko‘rinishda ekanligini bilishi, salonini ham ichkaridan ko‘rishi mumkin. 

Vanarama lizing kompaniyasi dizaynerlari Apple'ning patentlar portfoliosiga asoslanib yaratgan model aynan ular ko‘rsatganidek bo‘lmasligini ham aytdilar. Ushbu interaktiv model Vanarama saytida ko‘rishingiz mumkin.

• Apple
• Avto
• texnologiya