Xalqaro Paralimpiya qoʻmitasi (IPC) Boshqaruv kengashi Los-Anjelesda oʻtadigan yozgi Paralimpiada dasturidan oʻrin oladigan 22 ta sport turi roʻyxatini tasdiqladi.

Xalqaro Paralimpiya qoʻmitasi (IPC) Boshqaruv kengashi sport turlari boʻyicha federatsiyalarning arizalari asosida oʻtkazilgan keng qamrovli tahlillar jarayonidan soʻng, 2028-yili Los-Anjelesda oʻtadigan yozgi Paralimpiya oʻyinlari dasturidan oʻrin oladigan 22 ta sport turi roʻyxatini tasdiqladi.

Tasdiqlangan sport turlariga koʻra, para badminton, bochcha, golbol, koʻzi ojizlar futboli, para dzyudo, para kanoe, para ot sporti, para stol tennisi, aravachada tennis, aravachada qilichbozlik, aravachada basketbol, para kamondan otish, para yengil atletika, para pauerlifting, para voleybol, para suzish, para akademik eshkak eshish, para oʻq otish, para taekvondo, para triatlon, aravachada regbi, para velosport “Los-Anjeles-2028” oʻyinlari tarkibiga kiritildi.

Ma’lum qilinishicha, IPC Boshqaruv kengashi va “Los-Anjeles-2028” yozgi Paralimpiya oʻyinlari tashkiliy qoʻmitasi musobaqa dasturiga qoyaga chiqish va syorfing sport turlarini ham kiritishni oʻrganib chiqmoqda. Ushbu sport turlari xususidagi yakuniy qaror 2023-yil soʻnggida eʼlon qilinadi.

• Paralimpiya
• Parasport