Ijtimoiy tarmoqlarda “Denov tumanidagi maktabgacha ta’lim tashkilotida tarbiyalanuvchi kaltaklanganligi” bo‘yicha xabarlar tarqaldi. Ushbu holatni Surxondaryo viloyati Maktabgacha va maktab ta’limi boshqarmasi tomonidan tuzilgan ishchi guruhi joyiga chiqib o‘rgandi.

Ma’lum bo‘lishicha, holat Denov tumanidagi 16-sonli davlat maktabgacha ta’lim tashkilotida sodir bo‘lgan. Videolavhada aks etgan voqea bo‘yicha, xodim o‘z mehnat majburiyatlarini qo‘pol ravishda buzganligi uchun O‘zbekiston Respublikasi Mehnat kodeksining 161-moddasi ikkinchi qismi 5-bandiga asosan tarbiyachi A.G. bilan tuzilgan mehnat shartnomasi bekor qilingan.

Shuningdek, ta’lim muassasasida ma’naviy nosog‘lom muhit yuzaga kelganligi, o‘z ishida mas’uliyatsizlikka yo‘l qo‘yganligi sababli Denov tumanidagi 16-sonli davlat maktabgacha ta’lim tashkiloti direktori bilan tuzilgan mehnat shartnomasi ham xodimning o‘z arizasiga muvofiq bekor qilingan.

Voqea yuzasidan huquq-tartibot idoralari tomonidan ham o‘rganish ishlari olib borilayotgan bo‘lib, holatga huquqiy baho beriladi.

• Maktabgacha va maktab ta'limi vazirligi
• Surxondaryo