Toshkent viloyati Bo‘ka tumani Cho‘lobod qishlog‘ida yashovchi ayol 7 yashar jiyanini urib o‘ldirdi.

Aniqlanishicha, Bekobod tumani Zafar shaharchasida yashovchi er-xotin ikki nafar qizini Bo‘ka tumanida yashovchi singlisining qaramog‘iga ishonib topshirgan va Rossiyaga ishlagani ketgan.

Ota-onasi xorijda ishlab yurganda, bolalar har kuni kaltak yeb, ammasi tomonidan zulm ko‘rib kelgan.

Joriy yilning 12-mart kuni soat 01:00 da vasiylik ishonib berilgan ayol qarindoshlarining kichik qizi, 2017-yilda tug‘ilgan Ch.A.ning dars tayyorlamagani va yolg‘on gapirganini vaj qilib, o‘zini qizning mazkur xatti-harakatlari uchun go‘yoki jazolayotgandek ko‘rsatib, o‘ta shafqatsizlik bilan qoʻllari va yog‘och bo‘lagi bilan bolani urib, ogʻir tan jarohati yetkazgan.

Mazkur holat yuzasidan 12-mart kuni Bo‘ka tumani IIB huzuridagi Tergov bo‘linmasi tomonidan O‘zbekiston Respublikasi Jinoyat kodeksining 104-moddasi bilan jinoyat ishi qo‘zg‘atilgan.

13-mart kuni N.I.ga nisbatan qamoqqa olish tarzidagi ehtiyot chorasi qo‘llangan.

15-mart kuni tuman tibbiyot birlashmasida ko‘rsatilgan tibbiy muolajalarga qaramasdan, qizaloq jonlantirish bo‘limida vafot etgan.

• Jinoyat
• Qotillik