Turkiyada 2015-yildan buyon qidiruvda bo‘lgan o‘zbekistonlik erkak qo‘lga olindi. Bu haqda Buxoro viloyat Ichki ishlar boshqarmasi matbuot xizmati xabar berdi.

Qayd etilishicha, Buxoro viloyati huquqni muhofaza qiluvchi organlar xodimlari hamkorlikdagi “Qidiruv” maxsus tezkor profilaktik tadbiri o‘tkazishgan.

 Ushbu tadbir davomida Oʻzbekiston Respublikasi Jinoyat kodeksining 155-moddasi 1-qismi, 156-moddasi 3-qismi, 159-moddasi 3-qismi, 244/1-moddasi 3-qismi, 244/2-moddasi 1-qismida koʻrsatilgan jinoyatlarni sodir etganlikda ayblanib, 2015-yildan beri Romitan tumani IIB tomonidan qidirilayotgan, 1977-yilda tugʻilgan Romitan tumani “Xosa” mahallasida roʻyxatda turib yashagan E.H. ismli shaxsning Turkiya hududida yashirinib yurgan manzili aniqlangan.

Shundan so‘ng, Turkiya huquqni muhofaza qilish organlari xodimlari tomonidan oʻtkazilgan maxsus operatsiya davomida  E.H. yashirinib yurgan joyida qo‘lga olingan hamda Oʻzbekiston Respublikasiga ekstraditsiya qilinishi taʼminlanib tergov hibsxonasiga joylashtirilgan.

• Buxoro
• Jinoyat
• O‘zbekiston
• Turkiya