Kuni kecha, 19-yanvar kuni PSJ Saudiyaning “Al-Hilol” va “An-Nassr” yulduzlaridan iborat jamoasiga qarshi futbol boʻyicha oʻrtoqlik uchrashuvi oʻtkazdi.

Yevropa va Osiyo futbolining bir nechta yulduzlari jam boʻlgan oʻyinda Krishtianu Ronaldu ikkita gol urib, dubl qayd etdi. Messi esa dastlabki daqiqalarda gol urishga muvaffaq boʻldi.

Shuningdek, Mbappe 1 ta gol va 2 ta assist amalga oshirdi. Messining goliga uzatma amalga oshirgan Neymar esa belgilangan penaltidan unumli foydalana olmadi.

Uchrashuvning 62-daqiqasiga kelib barcha yulduzlar almashtirildi. Yakunda esa PSJ 5:4 hisobida gʻalabaga erishdi. Oʻyinning eng yaxshi futbolchisi esa Ronaldu deb topildi.

Oʻrtoqlik oʻyini

19-yanvar, payshanba

“An-Nassr” / “Al-Hilol” — PSJ 4:5

Gollar: 0:1 – Messi (3), 1:1 – Ronaldu (34, penalti), 1:2 – Markinyos (43), 2:2 – Ronaldu (45+6), 2:3 – Ramos (53), 3:3 – Chjan Hyn Su (56), 3:4 – Mbappe (60, penalti), 3:5 – Ekitike (78), 4:5 — Taliska (90+4).

• Futbol
• Messi
• Ronaldu
• Xorij