Yevropa davlatlari rossiyaliklarga Shengen vizalarini berish shartlarini qat’iylashtira boshladi.

Germaniyaning Moskvadagi elchixonasi mamlakat hukumati rossiyaliklar uchun milliy va Shengen vizalarini berish mezonlarini qat’iylashtirganini ma’lum qildi.

Elchixona bu qarorni Ukrainadagi harbiy harakatlar sababli Yevropa Ittifoqi uchun xavfsizlik tahdidlari oshgani bilan izohladi.

Shu bilan birga, Ispaniyaning Moskvadagi bosh konsulxonasi 13-sentyabrdan boshlab viza uchun arizalar qabul qilish noma’lum muddatga to‘xtatilganini e’lon qildi.

Yevropa komissiyasi dekabr oyida Rossiya va yana boshqa ayrim davlatlar fuqarolariga vizalar berish bo‘yicha umumiy tavsiyalarni o‘z ichiga olgan hujjatni taqdim etadi. Nashrning qayd etishicha, bu tavsiyalar Yevroittifoqqa kirish uchun yanada qat’iy mezonlarni o‘z ichiga oladi.

• Yevro
• Yevroittifoq
• Yevrokomissiya
• Yevropa