2022-yil 5-yanvarda O‘zbekiston Respublikasi Tashqi ishlar vaziri Abdulaziz Kamilov Xitoy Xalq Respublikasi Hukumatining Yevroosiyo masalalari bo‘yicha maxsus vakili Li Xuyeyni qabul qildi.

Aytish joizki, Xitoy hukumati maxsus vakilining tashrifi O‘zbekiston va XXR o‘rtasida diplomatik munosabatlar o‘rnatilganining 30 yilligiga (1992-yil 2-yanvar) to‘g‘ri keldi.

Ikki tomonlama shaklda ham, “Xitoy – Markaziy Osiyo” muloqoti doirasidagi aloqalarni yanada faollashtirish istiqbollari muhokama qilingan. O‘zbekiston va Xitoyning mintaqaviy siyosat yo‘nalishining dolzarb masalalari bo‘yicha pozitsiyalari yaqinligi alohida ta’kidlangan.

Xabarda keltirilishicha, uchrashuvda shu vaqtgacha erishilgan kelishuvlarni amalga oshirishning borishi va turli darajadagi bo‘lajak uchrashuvlar jadvali ko‘rib chiqilgan

Tomonlar “O‘zbekiston va Xitoy o‘rtasida diplomatik munosabatlar o‘rnatilganining 30 yilligini nishonlash dasturi” doirasida hamkorlik qilishga tayyor ekanliklarini bildirdilar, deb xabar beradi Tashqi ishlar vazirligi matbuot xizmati.

• Tashrif