Hindistonning Kalkutta shahrida 13-17-noyabr kunlari Tata Steel Chess India turniri bo‘lib o‘tadi. Sovrin jamg‘armasi 41 500 AQSh dollarini tashkil etadigan turnirda hamyurtimiz Nodirbek Abdusattorov ham ishtirok etadi.

Musobaqa rapid va blits yo‘nalishlarida bo‘lib o‘tadi. Ikki yo‘nalishda ham g‘oliblar alohida aniqlanadi. Musobaqada Nodirbek Abdusattorovdan tashqari, Magnus Karlsen, Vinsent Keymer, Uyesli So, Praggnanandha, Arjun Erigaisi kabi tajribali shaxmatchilar ham qatnashadi.

G‘oliblar quyidagicha mukofotlanadi: Rapid yo‘nalishida: 1-o‘rin — 10 ming AQSh dollari; 2-o‘rin — 6 ming AQSh dollari; 3-o‘rin — 3 ming AQSh dollari. Blits yo‘nalishida: 1-o‘rin — 7,5 ming AQSh dollari; 2-o‘rin — 4 ming AQSh dollari; 3-o‘rin — 2,5 ming AQSh dollari.

Nodirbek bugundan bahslarga kirishadi. Hozirda shaxmatchimiz FIDE reytingida 6-o‘rinda bormoqda.

• Nodirbek Abdusattorov
• Shaxmat