Aytishlaricha, xalqaro aeroportlar, temir yo‘l vokzallari va avtomobil o‘tkazish chegara punktlarida fuqarolardan koronavirus infeksiyasiga ekspress test olish talabi bekor qilinadi. 

Ayni damda, Respublika maxsus komissiyasining shu bo‘yicha qarori chiqishi kutilmoqda.

Eslatib o‘tamiz, O‘zbekiston aeroportlarida joriy yil 15-yanvardan majburiy ekspress test topshirilishi haqida xabar berilgan edi. Shuningdek, test narxi 5 AQSh dollar ekvivalentida belgilangani sababli aeroportlarda aholi noroziliklari kelib chiqqan.

Biroq, SSVning bergan xabariga ko‘ra, bu dunyo ko‘rsatkichlariga nisbatan eng arzon narx hisoblanadi. Xususan, test topshirish jarayonida talabalik guvohnomasini taqdim etgan talabalarga  50 foiz chegirma berilishi, I va II guruh nogironligi bor shaxslar uchun testlar bepulligi, 2 yoshgacha bo‘lgan bolalardan test olinmasligi ma’lum qilingan edi.

• Aeroport
• SSV