Afg‘onistondan Termizga raketa uchirgan shaxslar qo‘lga olindi. Bu haqda Afg‘oniston muvaqqat hukumati vakili Zabihulloh Mujohid o‘zining Twitter’dagi sahifasida ma’lum qildi .
“Kecha tunda Islom Amirligi maxsus kuchlari Qunduz shahrining Imom Sohib tumanidagi Xorijlik markazini topib, vayron qildi. Ushbu operatsiya davomida uch nafar xorijlik o‘ldirildi, besh nafari tiriklayin asirga olindi” , — deyiladi xabarda.
Qayd etilishicha, ularning transport vositalari va o‘q-dorilari musodara qilingan.
“Ular bir qancha vaqt oldin O‘zbekiston va Tojikistonga raketadan zarba bergandi”,– deb so‘zini tugatgan “Tolibon” vakili.
Ma’lumot uchun, 5-iyul kuni Oʻzbekiston hududiga Afgʻonistondan uchib oʻtgan beshta raketa qayd etilgan edi. Raketalar qulashi vaqtida Termiz shahridagi “Majnuntol” mahallasida joylashgan to‘rtta xususiy uyga zarar yetgan.
O‘zbekiston TIV ushbu hodisaga munosabat bildirib, Afg‘oniston hukumati bilan birgalikda aybdorlarni aniqlash bo‘yicha munozaralar olib borilayotgani haqida xabar bergandi.
Shundan so‘ng, “Tolibon” harakati qo‘shni davlatga raketa uchirganlarni qo‘lga olish choralari ko‘rilishini ma’lum qildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!