“Al-Qoida”ning G‘arbiy Afrikadagi bo‘limi Malidagi Rossiyaning “Vagner” yollanma jangchilariga pistirma uyushtirdi. Bu haqda “Brief” nashri xabar berdi.

Qayd etilishicha, Rossiyaning topshirig‘i bilan Afrikada faoliyat olib borayotgan “Vagner” xususiy harbiy kompaniyasi harbiylari qaqshatqich zarbaga duch kelishgan. Ular Mali hukumati armiyasi bilan birgalikda Tinzauatin shahrini egallash uchun operatsiya o‘tkazgan va mahalliy jangarilarning jiddiy qarshiligiga duch kelgan.

Mazkur hujum natijasida 53 nafar “Vagner” askari o‘ldirilgan, 12 nafari esa asirga olingan.

Shuningdek, o‘nlab harbiy texnikalar, shu jumladan, 2 dona vertolyot ham jangarilarning ixtiyoriga o‘tgan.

• Afrika
• Rossiya