Mavrikiy aeroporti xodimlari samolyot hojatxonasining qutisiga tashlab ketilgan yangi tug‘ilgan chaqaloqni topishdi.
Bunda, madagaskarlik 20 yoshli ayol reysda tug‘ishda gumon qilinib, hibsga olingan.
Xabarda keltirilishicha, Madagaskardan kelgan “Air Mauritius” samolyoti 2022-yil 1-yanvar kuni Ser Seewoosagur Ramgulam xalqaro aeroportiga qo‘ngan.
Aeroport xodimlari samolyotni muntazam bojxona tekshiruvidan o‘tkazish jarayonida hojatxona qutisiga tashlab ketilgan chaqaloqni topishgan.
Shu paytning o‘zida xodimlar chaqaloqni davolash uchun davlat shifoxonasiga olib borishgan.
Bolaning onasi ekanligida gumonlangan ayol avvaliga bolaning o‘ziniki ekanini rad etgan. Ayol tibbiy ko‘rikdan o‘tkazilib, uning endigina ko‘zi yorigani tasdiqlangan.
Shuningdek, madagaskarlik ayol shifoxona politsiyasi nazoratiga olingan.
Onaning ham, chaqaloqning ham ahvoli yaxshi ekani aytilmoqda.
Mavrikiyga ikki yillik ishlash ruxsati bilan kelgan malagaslik ayol shifoxonadan chiqqanidan keyin so‘roq qilinib, yangi tug‘ilgan chaqaloqni tashlab ketganlikda ayblanadi, deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!