Ukrainalik bokschi Aleksandr Usik britaniyalik Entoni Joshua bilan ikkinchi jang oldidan oʻtkazilgan matbuot anjumanida Ukraina haqida gapirdi.

“Mening oilam u yerda emas, lekin men bilgan koʻp odamlar, mening yaqin doʻstlarim mamlakatda. Men ular bilan har kuni aloqadaman. Men har doim oʻzlarini qanday his qilishlarini, xavfsiz joydami yoki yoʻqligini soʻrayman.

Menda bor narsa, erishgan hamma narsam, barcha kamarlarim, barcha unvonlarim bir soniyada yoʻqolishi mumkinligini toʻliq anglab yetishimga bir kun kerak boʻldi.

Men Ukrainani tark etishni xohlamayman, chindan ham xohlamayman. Men u yerda yashashni xohlayman va jangdan soʻng darhol qaytib ketaman”, — deydi Usik.

Maʼlumot oʻrnida, Aleksandr Usik va Entoni Joshua oʻrtasida ogʻir vazn toifasidagi chempionlik jangi 20-avgust kuni Saudiya Arabistonida boʻlib oʻtadi.

2021-yil 26-sentyabrda Usik 12 raundlik jangda Joshuani magʻlub etgan holda WBA Super, WBO, IBF va IBO chempionlik kamarini qoʻlga kiritgan edi.

• Boks
• Xorij