Turinning “Yuventus” klubi bosh murabbiyi Massimiliano Allegri A Seriya navbatdagi turi doirasida “Atalanta”dan uchralgan mag‘lubiyatdan so‘ng (0:1) fikr bildirdi.

“Bu voqeaga real yondoshish kerak. Jadvalda egallab turgan o‘rnimiz ham bizga katta bosim o‘tkazmoqda.  Qachonki vaziyatga nisbatan realistik bo‘lsak, ushbu bosim pasayishi mumkin va shundan so‘ng xotirjamroq ishlashga erishamiz. Yaratilgan imkoniyatlardan maksimal darajada foydalanish uchun jiddiy tayyorgarlik ko‘rish kerak.

Gol o‘tkazib yuborganimizdan so‘ng, sovuqqonlik va mas’uliyatni kuchaytirish o‘rniga ularni yo‘qotib qo‘ydik. Maksimal natijaga erisha olmayotganimiz juda yomon. Zero, bizda doimo gol ura oladigan Dibala, Morata, Kyeza va Makkenni kabi futbolchilar bor”, - deydi Allegri.

Eslatib o‘tamiz, ayni dam “keksa sinyora” A Seriya turnir jadvalida 21 ochko to‘plagan holda 8-o‘rinni band etgan.

• Futbol
• Xorij