“Amerika Ovozi”ning 1300 dan ortiq xodimi ma’muriy ta’tilga chiqishga majbur bo‘ldi, radiostansiyaning o‘zi esa faoliyatini to‘xtatdi. Bu haqda tashkilot bosh direktori Maykl Abramovits ma’lum qildi.

“83 yil ichida birinchi marta afsonaviy “Amerika Ovozi” sukutda. Bugun ertalab deyarli butun jamoamiz – jurnalistlar, prodyuserlar, texnik xodimlar ta’til haqidagi xabarlarni oldilar. Ular orasida men ham borman”, – deb yozgan u.

Bunga AQSh prezidenti Donald Trampning 14-martdagi farmoni, Ozodlik va “Amerika Ovozi” radiosi nazorat qiluvchi Global Media agentligi (USAGM) faoliyatini qisqartirish haqidagi farmoni sabab bo‘lgan. Farmon doirasida USAGM mediakorporatsiyaga Kongress tomonidan ilgari tasdiqlangan shartnomani bekor qilish to‘g‘risida xatni yuborgan.

Eslatib o‘tamiz, 9-mart kuni Ilon Mask o‘zining X sahifasida “Ozodlik” va “Amerika Ovozi” radiolarini yopishga chaqirgan edi.

• AQSh
• Ilon_Mask
• Ozodlik radiosi
• Tramp
• cheklov