Andijon aeroporti 20-martdan muntazam yo‘lovchi qatnovlarini qabul qila boshlaydi. Birinchi reys Toshkent – Andijon – Toshkent yo‘nalishi bo‘yicha amalga oshiriladi.

Bugundan Silk Avia US601/US602 reyslari uchun chiptalar sotuvi boshlangan, ular ATR-72-600 samolyotlarida seshanba va payshanba kunlari quyidagi jadvalga muvofiq amalga oshiriladi:

Toshkentdan jo‘nab ketish 11:20, Andijonga yetib kelish 12:20;

Andijondan jo‘nash soat 13:00, Toshkentga yetib kelish soat 14:00.

Kelgusida Andijon aeroportiga xalqaro reyslarni qayta yo‘lga qo‘yish ham rejalashtirilgan.

Andijon aeroportda rekonstruksiyaning birinchi bosqichi yakunlandi, uning doirasida aerodrom majmuasining salmoqli qismi, jumladan, uzunligi 3300 metr va kengligi 60 metr bo‘lgan yangi 4E toifali uchish-qo‘nish yo‘lagi, yurish yo‘lagi va 3 ta samolyotlar to‘xtash joyi bo‘lgan perron qurilishi yakunlangan. Terminal binosi esa, hozirgi holatida qolmoqda. Terminal qismidagi ishlar rekonstruksiyaning ikkinchi bosqichida amalga oshirilishi rejalashtirilgan.

• Aeroport
• Andijon