Ijtimoiy tarmoqlarda Andijon viloyatining Baliqchi tumanida istiqomat qiluvchi biri 2003-yilda tug‘ilgan L.Z. ning bedarak yo‘qolgani va uning 25 yoshli fuqaro tomonidan o‘zaro kelishmovchilik oqibatida o‘ldirib, kanalga tashlab borilgani haqida xabar tarqaldi.

Bosh prokuratura Matbuot xizmati rahbari Xayot Shamsiddinovga ko‘ra, joriy yilning 5-noyabr kuni fuqaro L.Z.  yashash xonadonidan noma’lum tomonga chiqib ketib, bedarak yo‘qolgan.

Mazkur holatda L.Z. qotillik qurboni bo‘lishi mumkinligini inobatga olib, ushbu holatni kelgusida tergov yo‘li bilan tekshirib, aniqlik kiritish maqsadida joriy yilning 7-noyabr kuni Jinoyat kodeksning 97-moddasi bilan jinoyat ishi qo‘zg‘atilgan.

Hozirda tuman prokuraturasi tomonidan dastlabki tergov harakatlarini o‘tkazish bilan bir qatorda, bedarak yo‘qolgan L.Z.ni topish yuzasidan barcha tezkor-qidiruv tadbirlari amalga oshirilmoqda.

Tergov natijasi yuzasidan qo‘shimcha xabar qilinadi.

• Andijon
• Bosh prokuratura
• Jinoyat