Andijonda chegaradan noqonuniy olib kirilgan pirotexnika vositalarini olib ketayotgan haydovchi ushlandi. Bu haqda viloyat IIB matbuot xizmati xabar berdi.
Qayd etilishicha, joriy yilning 9-dekabr kuni Andijon viloyati IIB, Bojxona boshqarmasi hamda Milliy gvardiya Andijon viloyati Qo‘riqlash boshqarmasi xodimlari bilan hamkorlikda tezkor tadbir o‘tkazilgan. Ushbu jarayon davomida Shahrixon tumanida yashovchi fuqaro Yu.B boshqaruvidagi oq rangli “Cobalt” rusumli avtotransport vositasi Shahrixon tumani “Cho‘ja” MFY hududida to‘xtatilib ko‘zdan kechirilgan. Tekshiruv ishlari natijasida avtomashina salonida O‘zbekiston Respublikasiga noqonuniy olib kirilgan 2 ming 880 ta qutida “Britanik” nomli pirotexnika vositalari borligi aniqlagan.
Shundan so‘ng, umumiy qiymati 20 million 116 ming 800 so‘mlik bo‘lgan pirotexnika vositalari daliliy ashyo tariqasida olingan.
Hozirda mazkur holat yuzasidan tergovga qadar tekshiruv harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!