O‘qituvchi o‘zining 50 ta o‘quvchilariga 50 ta pufak puflashni buyurdi. Har bir talabaga puflagan pufagiga o‘z ismini yozishni ta’kidladi. So‘ngra puflangan pufaklarni o‘qituvchi bir xonaga jamladi. Talabalarga har kim 5 daqiqa ichida o‘zining ismi yozilgan pufakni topishni buyurdi. 5 daqiqa o‘tdiki bir-ikki kishidan boshqa hech kim o‘z pufagini topolmadi.

Keyin ustoz hammaga xohlagan pufakni olib uni o‘z egasiga topshirishni buyurdi. 50 ta pufak bir daqiqada o‘z egalariga topshirildi.

Ustoz: “Bu amaliyot xuddi baxt va saodatni qidirishimizga o‘xshaydi. O‘zimiz qidirsak qiynalamiz, ammo birovlarga baxt ulashsak o‘zimiz ham baxtimizga tezroq erishamiz” deb izoh berdi.

• Adabiyot