Bosh prokuratura huzuridagi Departamentning Buloqboshi tuman bo‘limi tomonidan AT “Xalq banki” Buloqboshi filialining murojaatiga asosan o‘tkazilgan tergovga qadar tekshiruvda, “M.” fermer xo‘jaligi rahbari M.I. va boshqalar ushbu bank filialidan ajratilgan 1,4 mlrd so‘m kredit evaziga “N.” fermer xo‘jaligidan shartnomada ko‘rsatilgan 833 bosh naslli echkining o‘rniga, 253 bosh mahalliy echkilarni xarid qilib, jami 1,2 mlrd so‘m kredit mablag‘ini o‘zlashtirish yo‘li bilan talon-toroj qilganligi aniqlangan.

Departamentning Qo‘rg‘ontepa tuman bo‘limi tomonidan tadbirkorlik sub’yektlarining huquqlarini himoya qilish yuzasidan o‘tkazilgan tergovga qadar tekshiruvda, “R.B.” MCHJ rahbari Sh.U. va boshqalar “Q.i.” oilaviy korxonasiga hududiy tijorat banki filialidan ajratilgan kredit evaziga shartnomada ko‘rsatilgan inkubator uskunasini yetkazib bermasdan jami 720 mln so‘m kredit mablag‘ini hujjatlarni soxtalashtirish yo‘li bilan boshqa maqsadlarda sarflab yuborganliklari aniqlangan.

Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish), 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qo‘zg‘atilib, tergov harakatlari o‘tkazilmoqda.

• Andijon
• Departament
• IIB
• Kredit