Soliq qo‘mitasi axborot xizmatining xabar berishicha, joriy yilning 1-may holatida Soliq mobil ilovasidan 10 million 965 ming nafardan oshiq odam foydalanishi qayd etilgan.

Shuningdek, ilovadan doimiy ravishda foydalanuvchilar soni 6.5 million nafardan ortiqni tashkil qilmoqda. Aprel oyi hisobotlariga ko‘ra, ilova xizmatlaridan 115.7 million marta foydalanilgan bo‘lsa, tovar va xizmatlar chekini ro‘yxatdan o‘tkazgan fuqarolarga oy davomida 115.1 milliard so‘mlik keshbeklar to‘lab berilgan.

Mart oyida bu summa 103.2 milliard so‘mni tashkil etgandi. To‘langan keshbeklarning eng ko‘p qismi esa Toshkent shahrida (45 milliard so‘m) qayd etilgan.

Qo‘mita hisobotiga ko‘ra, 2024-yilda 1 milliard dona chek uchun foydalanuvchilarga 1 trillion 52 million so‘mdan ortiq keshbek to‘langan. Ushbu muddat mobaynida to‘langan keshbeklarning eng katta qismi Toshkent shahridagi iste’molchilarga to‘g‘ri kelgan — 412.2 milliard so‘m. Undan keyin Toshkent (107.1 milliard so‘m), Samarqand (93.2 milliard so‘m), Farg‘ona (75.6 milliard so‘m) va Andijon (52 milliard so‘m) viloyatlari o‘rin olgan.

• Keshbek
• Soliq