2021-yil 22-noyabr kuni Andijonda “elektroset” hisobchisi tomonidan bloger ayolning kaltaklagani va holat Bosh prokuratura tomonidan nazoratga olingani haqida xabar berilgan edi.

Bosh prokuratura Matbuot kotibi Hayot Shamsiddinovning Xabardor.uz’ga ma’lum qilishicha, belgilangan sud-tibbiy ekspertizasi xulosasida bloger ayol – F.Jo‘rayevada “Bosh miya chayqalashi, boshni chap qovoq sohasi yorilgan (tikilgan) lat yara, chap yelka bel, qorin va dumba sohasi yumshoq to‘qimalarini lat yeyishi va qontalashlar” kabi jarohatlar uning sog‘ligini qisqa muddatga buzilishiga sabab bo‘lgan tan jarohatlari darajasiga kirishligi aytilgan.

O‘rganishlar natijasida mazkur holat yuzasidan Ulug‘nor tumani IIB huzuridagi TB tomonidan 2021-yil 2-dekabrda fuqaro S.Mamadaliyevga nisbatan Jinoyat kodeksining 109-moddasi 2-qismi bilan jinoyat ishi qo‘zg‘atilgan.

Shuningdek, F.Jo‘rayeva jinoyat ishida jabrlanuvchi deb etirof etildi.
 

• Andijon
• Bloger
• Bosh prokuratura
• Jinoyat