7-noyabr kuni Toshkentda O‘zbekiston va AQSh o‘rtasidagi strategik sheriklik bo‘yicha muloqotning uchinchi sessiyasi bo‘lib o‘tdi. Shu munosabat bilan AQSh Davlat kotibi yordamchisi Donald Lu O‘zbekistonga tashrif buyurgan edi. Tashqi ishlar vaziri o‘rinbosari G‘ayrat Fozilov va Donald Lu ikki davlat o‘rtasidagi siyosiy, iqtisodiy, gumanitar va madaniy sohalardagi hamkorlikni muhokama qilgan.

Bugun, 10-noyabr kuni esa Donald Lu va AQShning yurtimizdagi elchisi Xenik Toshkentdagi Chorsu bozoriga borib o‘zbek taomlaridan tatib ko‘rishgan. Bu haqda AQSh elchixonasi xabar berdi.

“Strategik hamkorlik muloqotining muvaffaqiyatli bosqichini nishonlash maqsadida Davlat kotibi yordamchisi Lu va elchi Xenik Chorsu bozorida o‘zbek taomlaridan tatib ko‘rdilar”, – deyiladi xabarda.

Elchixona e'lon qilgan kadrlarga ko‘ra, diplomatga taom yoqqan. Davlat departamenti vakili xonim, norin, sоmsa va qazilarni tatib ko‘rgan.

• AQSh
• Bosh kotib
• Elchi
• Tashrif